كيف تربح 1000 دولا من افليت سوق دوت كوم شهرياً خطوه بخطوه

كيف تجنى الاف الدولارت من افليت سوق فى هذا المقال الشيق سوف اضع بين يديك تجربه لاحد الزملاء وهو السيد احمد حسين

يحكى فيها كيف تجنى اكثر من 1000 دولار من افلييت سوق دوت كوم شهرياً خطوه بخطوه وطريقه سهل جداً للربح من الانترنت اترككم مع الموضوع

زي ما وضوحت في البوست بتاع امبارح الافليت على سوق دوت كوم ولا جوجل ادسينس

وقولت ان الافليت افضل وبتقدر تربح منه من 100 ل1000$ شهريا من افليت سوق دوت كوم

وهتقدر تحقق ارباح من اول يوم علطول مش زي ادسينس تقعد شهور علي متقدر تدخل زوار من جوجل وربح سنتات

المقال ده هيكون استراتيجة كاملة عن الربح من الافليت واحتراف التسويق بالعمولة.

الافليت Affiliate : هو عبارة عن بيع منتجات مقابل عمولة متفق عليها.

في طريقتين للربح من الافليت او التسويق بالعمولة

في فيدو هيسهل كتير وهيكون عملي بس الفيديو ده ناقصة بعض الحاجات ومش مموضحها في الفيديو وبالتالي انا هكتب كل حاجه صغيرة وكبيرة في البوست ده

الطريقة الاولي : عن طريق الموقع سواء كان علي وردبريس او بلوجر او اي منصة اخري

وده بيحتاج منك مجهود وشغل سيو لو انت بيدخلك زيارات كويسة للموقع سواء كان من جوجل او السوشيال ميديا وشغال جوجل ادسينس هتقدر تحط شفرات علي الموقع زي جوجل ادسينس كده واي حد يضغط علي الاعلان الخاص بالافليت ويشتري انت هتاخد عمولة علي قيمة المشتريات اللي اشتراها، والشفرات دي لازم تكون من داخل حسابك الافليت سواء كان موقع سوق دوت كوم او اي موقع اخر، والطريقة دي مش مربحة اوي مع المصريين لانهم مش بيعرفو يشترو اونلاين ولا ليهم في الكلام ده غير الناس اللي فاهمة بس.

الطريقة التانية : عن طريق انشاء صفحة فيس بوك جديدة او شراء صفحة فيس بوك ب50ج او 100ج لو كان معاك فلوس وبعد انشاء صفحة علي الفيس بوك بتنزل عليها المنتجات اللي هتشتغل عليها وتبدء تعمل حملات اعلانية، والطريقة دي افضل من الطريقة الالوي علشان ناس كتير لا تمتلك مواقع ولا زوار.

شرح الاستراتيجة بالتفصيل عن موقع سوق دوت كوم

1- هندخل نسجل حساب افليت في موقع سوق دوت كوم من هنا >> اضغط هنا

2- هنبدء نختار المنتجات اللي هنشتغل عليها من موقع سوق كوم والمنتج اللي يعجبني وعايز اسوق ليه باخد اللينك الخاص بيه وافتح حساب الافليت الخاص بيا واقف علي كملة Marketing tools ومها اختار كلمة link builder علشان اقدر اولد رابط الافليت اللي هشتري من خلالة واحط لينك المنتج في المربع رقم 1 Add any Souq.com URL

وبعدين اضغط علي كلمة Generate Affiliate link وانسخ اللينك الجديد بتاع الافليت الخاص بالمنتج وابعته في رسالة علي الفيس علشان تدخل منه كل مرة وبلاش تنسخ اللينك وتدخل منه مباشر علشان غلط

علي سبيل المثال الاحذية وانا بختار شوز علشان اعمل ليه بوست واموله لازم اتاكد ان الشوز يشحن من قبل سوق كوم واتاكد ان الشوز متوفر منه كل المقاسات وكل الالوان وبكتب السعر في البوست علشان اللي هيكلمني علي البيدج ده مقتنع بالسعر وبيكلمني علشان يشتري ولو مكتبتش السعر في البوست هتتعب جدا وتكون موضوح في البوست ان في ارجاع للمنتج خلال 14 يوم ويفضل تشتغل علي المنتجات اللي بتكون شحن مجاني لو اشتريت ب250ج.

يعتبر افضل منتج مربح علي سوق دوت كوم شوز روما وهنزل في البوست صور سيشن للشوزات دي جاهزة علشان تقدر تشتغل عليه وتحقق نسبة مبيعات عالية وصيغة البوست هتكون موجودة في الفيديو

بعد ما نكتب البوستات اللي هنشتغل عليها هنربط الصفحة بتاعتنا بتطبيق ميني شات زي الشرح اللي في الفيديو ونضبط الاعدادات بتاعت التطبيق علشان يسهل علينا كتير

وبلاش نكتب الصيغة اللي في الفديو زي مهو كاتب كده لانك موضح كل حاجه في البوست وموضح السعر والشحن والارجاع وبسبب الصيغة اللي في الفيديو دي في ناس مش بترد اصلا

هتكتب صيغة زي كدة مثلا : اهلا بيك يا ونحط اسم الشخص ، اتفضل معاك يا باشا او يا كبير او اي حاجة تعجبك واضحك وهزر مع العميل عادي خالص وتبدء تكلم العميل ولما يكون عايز يشتري بتقوله سيب بياناتك اسمك وعنوانك وموبايلك والمقاس واللون وتحفظ البيانات دي في ملف تيكست علشان متنسهاش وانت هتدخل بلينك الافليت بتاعك تشتري للعميل زي الفيديو بالضبط وتحط اي ايميل من دماغك بس تكون حافظة في ملف تيسكت تحت اسم العميل وتحط باسورد موحد لكل الحسابات زي الفيديو مهو شارح

الخطاء اللي الناس بتقع فيه

لو عميل طلب اوردرين بيكون الشحن مجانا مدام شغال علي منتجات تشحن من قبل سوق كوم وب50ج فيما فوق

وانت بتحجز الشوز بتختار المقاس وبتعمل اضف الي العربة لو شوز واحد بس وبتكمل عملية الشراء

لو اكتر من شوز والوان مختلفة او نفس اللون بختار اللون والمقاس واضغط علي اضف الي العربة ومضغطش علي تابع عملية الشراء ارجع تاني واحجز اللون التاني او المقاس التاني واضيفه للعربة بردو علشان يكون الشحن مجانا

اضيف كل الكميات اللي انا محتاجها للعربة وبعدين اشتري

اطلب تحقق لرقم الهاتف بتاع العميل لو العميل مش فاتح بضغط علي علامة الاكس عادي ومش بتحقق من الرقم واتابع عملية الشراء

الشحن 17 ج للقطعة الواحدة لاي مكان في مصر باستثناء سيناء

المنتج بيوصل من 3 ل 5 ايام متديش للعميل مدة اقل من كدة

بحتفظ بالايميل بتاع العميل علشان لو طلب ارجاع للمنتج

لو العميل طلب ارجاع او تغير الشوز الفلوس بتكون متاحة في الحساب بتاع العميل بعد 5 ايام من استلام الارجاع

وبعد كده تحجزله بيها تاني او يسحبها

مرحلة عمل الاعلانات

اول حاجة جهز اكتر من فيزا معاك واكتر من حساب فيس بوك علشان لو الحساب الاعلاني اخد حظر تقدر تمول بالحساب التاني والفيزا التانية

انا بفضل فيزا بنك المصرف المتحد سعرها 10ج بتطلع بعد اسبوع الحد الادني للايداع 50ج الايداع بيتم عن طريق ماكينة ATM ولو عايز تسحب فلوس بتسحبها من ال ATm بردو لذلك هي افضل فيزا وافضل بنك

البنك المفضل التاني وهو العربي الافريقي سعر الفيزا 75ج ولازم تشحنها 100ج حد ادني لا تدعم الايداع والسحب من ATM

ازاي اقدر اعمل اعلان ناجح واقدر احكم علي الاعلان انه ناجح

في الفيديو هنلاقي انه بيعمل من داخل الحساب الاعلاني

انا عن نفسي مش بعمل اعلان من داخل الحساب الاعلاني بفضل عمل الاعلان من تحت البوست من كلمة ترويج وبقدر احقق من خلالها 10 اضعاف المبلغ اللي صرفته علي الاعلانات

بعد منعمل البوست ونربط بتطبيق ميني شات

هنضغط علي كلمة ترويج ونختار الاستهداف

الدولة : مصر

العمر : من 17 ل45

الجنس : رجال

متحطش اهتمامات وبلاش مبالغ كبيرة في الحملة علشان الفيس بيستعبط اوقات وبيخلي سعر النقرة غالية اعمل الحملة للمدة اللي انت عايزها عادي

ازاي تسحب ارباحك

سحب الارباح بيكون بعد شهرين بيكون كل يوم 25 في الشهر ويكون عندك حساب بنكي تسحب عليه الارباح دي والحد الادني للسحب 30$

عيوب موقع سوق

ان العميل مش بيشوف المنتج بتاعه قبل ميستلمة ودي اكتر حاجه بتسبب ارجاع للمنتجات لان العملاء مش بيردو بكده

مفيش سياسة استبدال للمنتج

مفيش تحويل فلوس العميل عن طريق حوالة بريدية عادية او المندوب وهو رايح ياخد المنتج يديله فلوسة